هل السرطان وراثه⁉️
كتبت وفاء سليمان محمد
هل السرطان وراثه
لو العيلة فيها السرطان مرض وراثي زي الثدي والقولون، مفيش داعي إننا نخاف أو نقلق، ولكن هيكون علينا واجب الكشف المبكر والاهتمام به زيادة عن أي حد تاني.
بقول دايماً إن مش شرط تحصلك إصابة، ولكن نسب الحدوث بتكون أعلى من الناس العاديين، لذلك بيكون عندنا واجب إننا نعمل الكشف المبكر وناخد بالنا من بعض الحاجات، أهمها:
1- لو كان عندك الورم في الثدي موجود في العيلة من الدرجة الأولى للأم، هنا لازم نتبع برنامج الكشف المبكر لأورام الثدي ويكون بدايةً من سن مبكر، أقل حاجة يكون 10 سنين أصغر من أصغر سن إصابة في أفراد الدرجة الأولى من العيلة.
.
2- سرطان القولون بيحتاج حاجات مهمة زي:
* تحليل الدم المخفي في البراز
* عمل منظار استكشافي للقولون
ده بيكون خصوصاً بعد سن الـ40، ولكن لو عندنا إصابات في العيلة بيوصى إننا نعمله أقل حاجة يكون 10 سنين أصغر من أصغر سن إصابة في أفراد الدرجة الأولى من العيلة، تحت إشراف طبيب متخصص في المجال.
3- حاجة مهمة جداً كمان إن لو أنت عندك تاريخ عائلي للإصابة، مينفعش تمارس عادات غير صحية، لأن ده بيزود من نسب الإصابة، وده بيخلينا نبتعد عن التدخين ونمارس الرياضة، نحافظ على الوزن ونبعد عن السمنة، الأكل الصحي.
السرطان رحلة محتاجة وعي وكل ما زاد الوعي زادت نسب الشفاء، والأهم هو أننا مفقدش الأمل في أننا قادرين نتغلب عليه.
